Amdanom ni

Hoffech chi addysg gynnar cyfrwng Cymraeg i’ch plentyn? Dewch i Gylch Meithrin y Bont-faen!

Yng Nghylch Meithrin y Bont-faen, rydym yn cynnig amgylchedd diogel a gofalgar, lle caiff plant ddysgu drwy chwarae. Rydym yn cefnogi’r plant i fod yn hyderus ac i allu meddwl yn annibynnol, ac yn datblygu eu sgiliau Cymraeg ym mhob peth a wnawn.

Mae gennym berthynas gref ag Ysgol Iolo Morganwg yn y Bont-faen, ac rydym yn cynnig gofal cofleidiol ar gyfer plant yn y Dosbarth Meithrin. Mae’r plant wrth eu boddau’n cael eu casglu o’r Ysgol ar y bws bach, sy’n eu cludo’n ddiogel i Gylch Meithrin y Bont-faen (Mae aelod o staff y Cylch ar y bws i ofalu am y plant).

Rydym yn cynnal cyswllt agos â’r rhieni er mwyn rhannu gwybodaeth am ddatblygiad eich plentyn yn y Cylch. Rydym hefyd yn cynnig digonedd o achlysuron cymdeithasol lle gallwch ddod i adnabod y staff a’r teuluoedd eraill, a chael gweld rhai o’r gweithgareddau a’r dysgu seiliedig ar y cwricwlwm y mae ein plant yn mwynhau yma yng Nghylch Meithrin y Bont-faen.

Croeso cynnes i deuluoedd di Gymraeg hefyd!

Rydym yn cynnal Cylch Ti a Fi, grwp babanod a phlant bach, sy'n cyfarfod bob bore dydd Llun 0930-1100 yn y Cylch. Dewch i chwarae, canu a chymdeithasu dros baned.

Rydym yn derbyn plant o 2 flwydd oed, ac yn cynnig dewis hyblyg o sesiynau.